პრობლემების მოგვარება

პირველ რიგში შეამოწმეთ მოწყობილობა

თუ ტელეფონი საერთოდ არ მუშაობს, პირველი ნაბიჯი არის თავად მოწყობილობის კვებისა და ქსელური კავშირის შემოწმება.

• ჩართულია თუ არა IP ტელეფონი ან VoIP მოწყობილობა.
• ანთია თუ არა Power ინდიკატორი.
• ანთია ან ციმციმებს თუ არა Network / LAN ინდიკატორი.
• თუ მოწყობილობას აქვს ინტერნეტის WAN ინდიკატორი, შეამოწმეთ მისი მდგომარეობაც.
• დარწმუნდით, რომ Ethernet კაბელი მყარად არის შეერთებული ორივე მხარეს.

შეამოწმეთ ინტერნეტთან კავშირი

თუ მოწყობილობა ჩართულია და ქსელის ინდიკატორებიც ნორმალურად მუშაობს, შემდეგი ნაბიჯია იმის დადგენა, აქვს თუ არა მოწყობილობას ინტერნეტთან რეალური კავშირი.

• გახსენით ნებისმიერი ვებგვერდი კომპიუტერიდან ან ტელეფონიდან, რომელიც იმავე ქსელშია.
• შეამოწმეთ, მუშაობს თუ არა ინტერნეტი სხვა მოწყობილობებზე.
• თუ შესაძლებელია, შეამოწმეთ Router-ის WAN სტატუსი.

შეამოწმეთ არის თუ არა ზარის ტონი

აიღეთ ტელეფონის ყურმილი და შეამოწმეთ, ისმის თუ არა ჩვეულებრივი ზარის ტონი.

• არის თუ არა ზარის ტონი.
• შეგიძლიათ თუ არა ნომრის აკრეფა.
• რეაგირებს თუ არა ტელეფონი ღილაკების დაჭერაზე.
• შესაძლებელია თუ არა შემომავალი ზარის მიღება.

შეამოწმეთ SIP რეგისტრაცია

IP ტელეფონი ან PBX უნდა იყოს რეგისტრირებული VOIP.GE-ის SIP ინფრასტრუქტურაში. თუ რეგისტრაცია დაკარგულია, ზარების განხორციელება ან მიღება შეიძლება შეუძლებელი გახდეს.

• შეამოწმეთ მოწყობილობის Registration / Account სტატუსი.
• სტატუსი უნდა იყოს Registered ან Online.
• თუ წერია Unregistered, Failed ან Timeout, პრობლემა შესაძლოა ქსელურ კავშირში ან SIP პარამეტრებში იყოს.
• გადაამოწმეთ SIP username, password და server address.

შეამოწმეთ კავშირი ServiceNet-ის ქსელთან

ზოგჯერ მომხმარებელს ინტერნეტი ჩვეულებრივად აქვს, თუმცა მის პროვაიდერსა და ServiceNet-ის ქსელს შორის კონკრეტული მარშრუტი შეიძლება შეფერხებული იყოს.

ასეთ შემთხვევაში მნიშვნელოვანია შემოწმდეს არა მხოლოდ ზოგადი ინტერნეტი, არამედ არსებობს თუ არა ქსელური კავშირი ServiceNet-ის შესაბამის კვანძებთან.

თუ ინტერნეტში სხვა რესურსები ხელმისაწვდომია, მაგრამ ServiceNet-ის ქსელურ მისამართამდე პაკეტები ვერ აღწევს, პრობლემა შესაძლოა არსებობდეს სხვადასხვა ოპერატორის ქსელებს შორის მარშრუტიზაციაში.

თუ ზარი ერთდება, მაგრამ ხმა ცუდია

ხმის ცუდი ხარისხი ყოველთვის არ ნიშნავს ტელეფონის ან SIP ანგარიშის პრობლემას. VoIP რეალურ დროში გადაცემადი სერვისია და მგრძნობიარეა ქსელის ხარისხის მიმართ.

• შეამოწმეთ packet loss.
• შეამოწმეთ latency.
• ყურადღება მიაქციეთ jitter-ს.
• შეამოწმეთ, ხომ არ იტვირთება ინტერნეტკავშირი დიდი მოცულობის მონაცემების გადაცემით.
• თუ Router-ში QoS არის გამოყენებული, შეამოწმეთ VoIP ტრაფიკის პრიორიტეტიზაცია.

გადატვირთეთ მოწყობილობა

თუ კავშირი და კონფიგურაცია სწორად გამოიყურება, მაგრამ პრობლემა კვლავ არსებობს, შეგიძლიათ IP ტელეფონის ან VoIP მოწყობილობის გადატვირთვა.

გამორთეთ მოწყობილობა კვებიდან დაახლოებით 10–15 წამით და შემდეგ ჩართეთ ხელახლა. დაელოდეთ სრულ ჩატვირთვას და შეამოწმეთ SIP რეგისტრაცია.

თუ პრობლემა კვლავ არსებობს

თუ ზემოთ ჩამოთვლილი შემოწმებების შემდეგ პრობლემა არ მოგვარდა, დაგვიკავშირდით ტექნიკურ მხარდაჭერასთან.

პრობლემის უფრო სწრაფად იდენტიფიცირებისთვის სასურველია მოგვაწოდოთ რაც შეიძლება მეტი ტექნიკური ინფორმაცია.

• თქვენი ნომერი ან SIP ანგარიშის იდენტიფიკატორი.
• გამოყენებული მოწყობილობის მოდელი.
• პრობლემა ეხება შემომავალ, გამავალ თუ ორივე ტიპის ზარს.
• როდის დაიწყო პრობლემა.
• არის თუ არა ინტერნეტი ამ მომენტში ხელმისაწვდომი.
• თუ შეამოწმეთ Ping ან სხვა ქსელური ტესტი — მოგვაწოდეთ შედეგი.